Чыгым 166 миң сомду түзгөн. Баш калаада уурулукка шектүү жаран кармалды (видео)

Бишкектин Ленин райондук милициясы уурулукка шектелген жаран кармалганын билдирди. Милицияга жаран 24-февралда арыз менен кайрылган.

Арыз ээсинин айтымында, 24-февралга караган түнү «Garden Hotel» мейманканасынын унаа токтотуучу жайында белгисиз адам Lexus RX үлгүсүндөгү автоунаанын арткы айнегин талкалап, салонунан «Stefano» үлгүсүндөгү сумканы уурдап кеткен. Келтирилген материалдык чыгым 166 миң сомду түзгөн.

Аталган факт боюнча Кылмыш-жаза кодексинин 205-беренесине (Уурулук) ылайык кылмыш иши козголгон. Шектүү делип, буга чейин ушул сыяктуу кылмыштар үчүн бир нече жолу соттолгон 29 жаштагы жаран кармалып, убактылуу камоочу жайга киргизилген.

Тергөөдө шектүүнүн жашаган дарегинде тинтүү жүргүзүлүп, далил буюмдар алынган. Учурда кармалган жарандын башка ушул сыяктуу кылмыштарга катыштыгы аныкталууда.