Нурбек Токтакунов: "Эмне үчүн ЖАМКны Ташиевдин адамы жетектеп жатат?"

Эмне үчүн Камчыбек Ташиевдин өкмөттөгү бардык кадрлары алмаштырылды, ал эми Жазаларды аткаруу мамлекеттик кызматын дагы деле Ташиевдин адамы жетектеп жатат? Мындай суроону абактагы акын Аскат Жетигендин жактоочусу Нурбек Токтакунов соцтармактан узатты.

Ал акындын кыйноого кабылганы тууралуу жазган катына токтолду.

"Мен түрмө администрациясынан аны жазалоо себептери боюнча түшүндүрмө алууга аракет кылдым. Бирок мекеме мага эки жуманын ичинде жооп берерин билдирди. Алар адвокаттын жазанын себептери жана мөөнөтү жөнүндө суроосуна тез арада жооп берүү керектигин да билишпейт",- деп жазды социалдык тармактагы баракчасына.