Ошто 22 жаштагы эне үч эм кызды жарык дүйнөгө алып келди

Ош облустар аралык бириккен клиникалык ооруканасынын төрөт бөлүмүндө үч эм наристе төрөлдү. Бул тууралуу 3-мартта аталган ооруканадан билдиришти.

Маалыматка ылайык, 20-февралда оорукананын төрөт бөлүмүндө Өзгөн районунун Мырза-Аке айыл аймагынын тургуну, 2004-жылы туулган Бердигулова Мавлюда аттуу кош бойлуу эне үч эм кызды жарык дүйнөгө алып келди. Буга чейин жаш эненин бир кызы болгон. Үч эмдин азыркы абалы жакшы, алардын салмактары 1800 грамм, 2220 грамм жана 2320 грамм болгон.

Эне-баладан оорукананын директору Атабек Жумалиев кабар алып, белектерин жана өз эсебинен 5 миң сом сүйүнчү акчасын тапшырды.

Белгилей кетсек, бул аталган ооруканада 2026-жылы башынан бери төрөлгөн алгачкы үч эм. Оорукананын төрөт стационарында 1 жылдын ичинде орточо 5-10 үч эм төрөлөт.