Канцлер: "Жакынкы Чыгыштагы жаңжал экономикага зыян келтирүүдө"

Германиянын канцлери Фридрих Мерц Жакынкы Чыгыштагы жаңжал өлкөлөрдүн экономикасына олуттуу зыян алып келип жатканын билдирди. Ал бул тууралуу Дональд Трамп менен Ак үйдө өткөн жолугушууда айткан.

Мерцтин айтымында, куралдуу кагылышуулар мунай жана газ бааларына түздөн-түз таасирин тийгизип, дүйнөлүк рыноктогу туруксуздукту күчөтүүдө. “Бул, албетте, биздин экономикабызга зыян келтирүүдө. Ошондуктан бул согуш мүмкүн болушунча тезирээк аяктайт деген үмүттөбүз”, — деди ал.

Канцлердин Трамп менен жолугушуусу түз эфирде Phoenix телеканалы аркылуу көрсөтүлдү.