Саламаттык сактоо министрлиги перинаталдык кызматтын келечегин талкуулады

Саламаттык сактоо министрлигинде министр Дамирбек Осмоновдун катышуусунда перинаталдык кызматтын 2025-жылдагы ишмердүүлүгүнүн жыйынтыктарын караган жана аны 2030-жылга чейин өнүктүрүүнүн артыкчылыктуу багыттарын аныктаган кеңешме өткөрүлдү.

Министрликтин маалыматына ылайык, кеңешмеде төмөнкү маселелерге өзгөчө көңүл бурулду:

• Энелерге жана жаңы төрөлгөн ымыркайларга көрсөтүлүүчү медициналык жардамдын сапатын жогорулатуу;

• Энелердин жана ымыркайлардын өлүм коркунучтарын мындан ары төмөндөтүү чаралары;

• Перинаталдык борборлордун инфраструктурасын жаңылоо жана заманбап медициналык жабдуулар менен камсыз кылуу;

• Квалификациялуу медициналык кадрларды даярдоо жана аларды улуттук стандарттарга ылайык кайра даярдоо;

• Санитардык-гигиеналык жана профилактикалык программаларды күчөтүү аркылуу аймактардагы ден соолук көрсөткүчтөрүн жакшыртуу.

Бул кеңешме перинаталдык кызматты өнүктүрүү жана медициналык жардам көрсөтүүнүн сапатын жогорулатуу боюнча жаңы стратегиялык кадамдарды ишке ашыруу максатында өткөрүлгөн.