ЖАМКнын мекемелеринде Ак калпак күнү белгиленди

Жазаларды аткаруу мамлекеттик кызматынын мекемелеринде 5-март - Ак калпак күнүнө карата маданий жана спорттук иш-чаралар уюштурулду. Бул тууралуу мекеменин басма сөз кызматы билдирди.

Маалыматка ылайык, аталган күндүн алкагында ЖАМКнын мекемелеринде соттолгондордун жана жашы жете элек тарбиялануучулардын катышуусунда тарбиялык-маданий иш-чаралар өткөрүлдү. Иш-чараларда катышуучулар ак калпактын тарыхы, анын кыргыз эли үчүн мааниси тууралуу маалымат беришип, улуттук баалуулуктарды даңазалаган концерттик программа тартуулашты.

Мындан тышкары, спорттук жана улуттук оюндар да уюштурулуп, анда стол тенниси, гиря көтөрүү, таяк тартыш, аркан тартыш, ордо, шахмат жана тогуз коргоол сыяктуу оюндар өткөрүлдү.

Мындай иш-чаралар улуттук маданиятты жана салт-санааны урматтоого, улуттук баалуулуктарды сактоого, ошондой эле соттолгондордун тарбиялык жана руханий өнүгүүсүнө өбөлгө түзүүгө багытталган.