Бишкекте улгайган адам 22 миллион сомун алдатып жиберген. Кылмышка байланышы барлар кармалышты

Бишкекте ири алдамчылыкка байланышы бар делгендер кармалышты. Бул тууралуу борбор калаанын милициясы билдирди.

Маалыматка ылайык, алар 77 жаштагы жаранга телефон чалышып, өздөрүн УКМКнын, ИИМдин жана Улуттук банктын кызматкерлери катары тааныштырышып, аны банкомат аркылуу банктык картага 22 миллион 130 миң сом которууга көндүрүшкөн.

Бул факт боюнча Кылмыш-жаза кодексинин 209-беренеси (Алдамчылык) менен кылмыш иши козголгон. Натыйжада, кылмышка тиешеси бар делип, 20 жаштагы жигит кармалган. Себеби, акча анын банк картасына которулган. Жигит мурун банк картасын сатып жибергендиктен карта кийинчерээк аталган кылмыш ишине колдонулган.

Ошондой эле 19 жаштагы жигит кармалган. Ал Telegram мессенжери аркылуу башка адамдардын банк карталарын сатып алуу менен алектенген. Учурда бул кылмышка тиешеси бар башка адамдарды аныктоо жана окуянын бардык жагдайларын тактоо үчүн кошумча далилдерди чогултуу иштерди жүрүүдө.