Япондор таң калтырып бүтпөйт экен... Министрдин кечирим суроосу

Япониянын экономикалык коопсуздук министри Кимо Онода өкмөттүн жыйынына беш мүнөт кечигип, Министрлер кабинетинин имаратына чуркап кирди.

Кечигүүдөн кийин Онода кечирим сурап, чоң жолдо жол кыймылы толугу менен токтоп калган кырсыктан улам кечигип калганын түшүндүрдү. Ал "мен абалды башкаруу жөндөмүмдү жакшыртам" деп убадалады. Жыйын башталар алдында жарыяланган видеодо министр Оноданын орду бош көрүнгөн.

Буга чейин интернет желесинде япониялык волейболчунун кечирим сураганы тартылган видео тарап, кызуу талкуу жараткан.