Берлинде кыргыздар ооз ачар уюштурушту (сүрөт, видео)

Кечээ, 16-мартта Германиянын борбор шаары Берлинде мекендештер ооз ачар уюштурушту. Бул тууралуу порталыбызга “Айкөл Берлин e..V” уюмунун өкүлү Бостонбек Бабаев билдирди.

Айтымында, иш-чара жаңыдан түзүлгөн “Айкөл Берлин e..V” уюму тарабынан өткөрүлдү.

"Ооз ачарга Берлиндеги кыргыздар эле эмес, боордош казак, өзбек улутунун жарандары дагы келишти. Ооз ачар кечеси бир гана орозо күнүндө жылуу баарлашуу, жакындан таанышуу эмес, улуттар аралык достукту бекемдөө максатында өткөрүлдү. Иш-чарага “Paysend Kyrgyzstan” демөөрчүлүк көргөздү",- деп билдирди ал.

Бабаев иш-чаранын жүрүшүндө Тайлер аттуу 13 жаштагы немис жигити ислам динин кабыл алганын кошумчалады.