Кыргызстан менен Пакистандын кызматташтыгы талкууланды

Министрлер кабинетинин төрагасынын биринчи орун басары Данияр Амангелдиев Пакистандын Кыргызстандагы элчиси Алтамаш Вазир Ханды кабыл алды. Бул тууралуу Министрлер кабинетинин басма сөз кызматынан билдиришти.

Маалыматка ылайык, жолугушууда соода-экономикалык, инвестициялык жана транспорттук кызматташтык маселелери талкууланды.

Амангелдиев эки өлкө ортосундагы мамилелер жаңы деңгээлге чыкканын белгилесе, элчи кызматташууну мындан ары да өнүктүрүүгө кызыкдар экенин билдирди.