Бишкекте адам өмүрүн алган жол кырсыгы катталды (видео)

Бишкектеги Чокан Валиханов көчөсүндө оор жол кырсыгы катталды. Алдын ала маалыматтар боюнча, жеңил унаа менен жүк ташуучу унаа сүзүштү.

Милициянын кайгуул кызматы билдиргендей, чиркегичи бар жүк ташуучу унаа түндүк багытта бара жатып, солго бурулууну көздөгөн. Ошол учурда түштүк багытта жогорку ылдамдыкта келе жаткан Toyota Camry унаасы аны сүзүп алган.

Алдын ала маалыматтарга караганда, кырсыктын кесепетинен бир адам каза болуп, дагы төрт адам жаракат алган. Жабыркагандар жеңил унаанын ичинде болушкан.

Учурда кырсыктын бардык жагдайлары такталууда.