Ошто олимпиада жеңүүчүлөрүнө акчалай сыйлык берилди

Ош шаарында мектеп окуучуларынын республикалык олимпиадасында жеңишке жетишкен окуучулар салтанаттуу тосуп алынды. Бул тууралуу шаардык мэриядан билдиришти.

Маалыматка ылайык, сыйлоо аземинде мэрдин фондунан окуучуларга жалпы 1 250 000 сом акчалай сыйлык тапшырылды.

Быйыл Ош шаарынан олимпиадага 36 окуучу катышып, анын ичинен 8и жеңүүчү болду. Командалык эсепте шаар Бишкектен кийинки 2-орунду ээледи.

Республикалык олимпиаданын IV этабы 27-28-март күндөрү Бишкекте өтүп, 322 окуучу 17 предмет боюнча күч сынашты.