Канадалык инвесторлор Кыргызстанда биолаборатория куруудан баш тартышты

"Канадалык инвесторлор Кыргызстанда биолаборатория куруудан баш тартышты". Мындай пикирди бүгүн Саламаттыкты сактоо министри Динара Сагынбаева ЖКнын Бюджет жана каржы боюнча комитетинде билдирди. Анын айтымында, Кыргызстан биолаборатория курууда өз позициясын көрсөтө албай, Канада тарап долбоорду Тажикстанга жөнөтүп ийген. Кошумчалай кетсек, Бишкек шаарындагы Ботаникалык бакчанын аймагына канадалык инвесторлор биолаборатория куруп берүүнү сунуштап, бирок айрым мамлекеттик эмес уюмдар бул демилгеге каршы чыгышкан.