Дүйнөлүк көчмөндөр оюндары: Тумардагы ак илбирске Батай деген ысым берилди

Быйыл өтө турган Дүйнөлүк көчмөндөр оюндарынын тумарындагы ак илбирске Батай деген ысым берилди. Бул тууралуу ДКОнун Эл аралык катчылыгынан билдиришти.

Маалыматка ылайык, аталган ысым кыргыз сөздөрүнүн маанилеринен жаралган.

"Ба" - "барс" сөзүнөн кыскартылып, күч, эркиндик жана ички кубат деген мааниде. Ал эми "Тай" - "таяныч" сөзүнүн кыскартылган түрү. Бул ички өзөк, тең салмак жана тамыр менен байланыш тууралуу",- деп жазылат маалыматта.