"Өч-2" көркөм тасмасы көрсөтүүдөн алынды

Кечээ, 13-апрелде Кинематография департаментинин комиссиясы протоколдук чечим кабыл алып, "Өч-2" көркөм тасмасын өлкө аймагында жүгүртүү токтотулду. Бул тууралуу Маданият министрлигинен билдиришти.

Маалыматка ылайык, эксперттик комиссия тарабынан тасманын мазмуну кеңири талданып, анын ичинде зомбулук, ырайымсыздык жана коомдук-адептик нормаларга каршы келген көрүнүштөрдүн басымдуулугу белгиленди. Ошондой эле тасмада позитивдүү социалдык баалуулуктарды жайылтуу, зомбулукту айыптоо же тарбиялык маанини берүү элементтери жетишсиз экени айтылды. Буга байланыштуу төмөнкү чечим кабыл алынды:

• “Кыргызтасмасы” киноборбору мамлекеттик мекемесинин директору Алмаз Тулекеев ээлеген кызматынан бошотулду.
• “Өч-2” көркөм тасмасынын өлкө аймагында жүгүртүүсү токтотулду;
• Кинотеатрлар, жүгүртүү уюмдар жана кино көрсөтүү менен алектенген башка субъекттер тасманы токтоосуз жүгүртүүдөн алып салууга милдеттендирилди.