“Баластан” эс алуу борборунун курулушу 45 пайыз аткарылды

Садыр Жапаровдун тапшырмасы менен Талас шаарында “Баластан” эс алуу борборунун курулушу уланууда. Учурда иштердин 45 пайызы бүткөрүлдү. Бул тууралуу Курулуш министрлигинен билдиришти.

Маалыматка ылайык, долбоор мамлекеттик бюджеттен каржыланып, курулуш 2025-жылдын ноябрында башталган. Жалпы аянты 6,5 гектар болгон комплекс 9 корпустан туруп, шаардын маданий-экономикалык борборуна айланары күтүлүүдө.

Башкы планга ылайык, борбордо аттракциондор, өзгөчө муктаждыгы бар балдар үчүн оюн аянтчалары, заманбап кинотеатр, конгресс-зал жана коомдук тамактануу жайлары курулат.