Бишкекте бош жумуш орундар жарманкеси өтөт

Эмгек министрлиги билдиргендей, 23-апрелде Бишкек мамлекеттик университетинин имаратында бош орундар жарманкеси, Карьера күнү жана Ачык эшиктер күнү өтөт.

Иш-чарага мамлекеттик, муниципалдык жана жеке сектордон 100гө жакын уюмдардын өкүлдөрү катышат. Жарманкеде (өндүрүш, транспорт, тейлөө, каржы сектору жана телекоммуникациялар жана башка тармактарда) 5000ден ашык бош иш орундары сунушталат.

Иш-чаранын алкагында катышуучулар үчүн төмөнкү мүмкүнчүлүктөр каралган:

• Иш берүүчүлөр менен түз маектешүү;
• Ишке орношуу боюнча кеңештер;
• Резюме түзүүгө жардам;
• Эмгек рыногунун абалы жана карьералык мүмкүнчүлүктөр тууралуу презентациялар;
• Стажировка жана кесиптик өнүгүү программалары жөнүндө маалымат.

Иш-чара саат 10:00дө башталат.