2013-жылы Кыргызстанга Орусия парламентинин жетекчилери Валентина Матвиенко менен Сергей Нарышкин келет

2013-жылы Кыргызстанга Орусиянын Федерациялар Кеңешинин төрайымы Валентина Матвиенко жана Орусиянын Мамлекеттик Думасынын төрагасы Сергей Нарышкин иш сапары менен келет. Бул тууралуу 17-декабрда Орусиянын Кыргызстандагы элчиси Андрей Крутько ЖКнын Эл аралык иштер боюнча комитетинин төрагасы Каныбек Иманалиев менен жолугушуу учурунда билдирди. Элчи эки өлкө ортосундагы кызматташтыктын жогорку деңгээлде уланып жатканын да белгиледи.