Ошто көчөгө таштанды таштаган жаранга чара көрүлдү (видео)

Ош шаарында коомдук жайга таштанды таштаган жаранга чара көрүлдү. Бул тууралуу калаа мэриясы кабарлады.

Маалыматка ылайык, социалдык тармактарда белгисиз жаран жол жээгине таштанды таштап кеткендиги тууралуу видео тараган. Аталган факт боюнча ыкчам издөө иш-чаралары жүргүзүлүп, тартип бузган жаранга айып пул салынган.

"Учурда шаар аймагында тазалыкты сактоо жана экологиялык тартипти камсыздоо боюнча көзөмөл күчөтүлдү. Мындай мыйзам бузууларга карата чаралар Ош шаардык мэриясы тарабынан мындан ары да улантылат",- деп билдирди мэрия.