Ысык-Көлдө геопарктар боюнча симпозиум өтүүдө

Кажы-Сай айылында "Кыргызстандын тоолуу аймактарында геопарктарды түзүү жана өнүктүрүү" темасында симпозиум өтүп жатат. Бул тууралуу президенттик администрациядан билдиришти.

Маалыматка ылайык, катышуучулар геопарктар аркылуу тоолуу аймактарды өнүктүрүү, экотуризмди жайылтуу жана табигый-маданий мурастарды сактоо маселелерин талкуулашууда.

Өзгөчө көңүл Тескей геопаркы, Мадыген геопаркы жана Ош облусундагы долбоорлорго бурулду.

Жыйын Кыргызстанды ЮНЕСКОнун глобалдык геопарктар тармагына кошууга багытталган.