Көчмөндөр оюндарына катышууну каалайсызбы? Сынак башталды

VI Дүйнөлүк көчмөндөр оюндарынын алкагындагы эл аралык сынактарга катышуу үчүн улуттук тандоо туру башталды. Бул тууралуу Маданият, маалымат жана жаштар саясаты министрлиги билдирди.

Маалыматта тандоонун максаты - өлкөнүн мыкты чыгармачыл өкүлдөрүн аныктап, кыргыз маданиятын эл аралык деңгээлде татыктуу көрсөтүү экени айтылат. Сынактар этно-мода, кол өнөрчүлүк, этно-бий, этно-ыр, этно-дуэт жана салттуу музыкалык искусство жааты (айтуучулук, аспапчылык, аваздык-аспапчылык) боюнча өткөрүлөт.

Натыйжада улуттук турдун жеңүүчүлөрү өлкө атынан эл аралык сынактарга катышат.