Ысык-Көлдө мыйзамсыз балык уулоо кескин азайганы айтылды

Ысык-Көл облусунда туристтик-экологиялык милиция кызматы түзүлүп, балык уулоого мораторий киргизилгенден бери браконьерлик кескин азайды. Бул тууралуу Ички иштер министрлиги билдирди.

Маалыматта уристтик-экологиялык милиция кызматы 2022-жылы түзүлүп, мыйзамсыз балык уулоого каршы күрөш күчөтүлгөнү белгиленет. Ал 2025-жылы Бирдиктүү коопсуздук кызматы түзүлүп, анын курамына ички иштер органы, өзгөчө кырдаалдар, жол-транспорт коопсуздугу, экологиялык көзөмөл жана саламаттык сактоо тармактарынын аймактык түзүмдөрү кирген.

Натыйжада көлдөн эски синтетикалык торлор, таштандылар тазаланып, мыйзамсыз балык уулоо кескин түрдө азайган. Жыйынтыгында көлдүн экологиялык абалы жакшырып, биологиялык ресурстар калыбына келүүдө.