Веложолдун жаңы эрежесин билесизби? Бишкектин мэри түшүндүрмө берүүдө (видео)

Бишкек шаарынын мэри Айбек Жунушалиев жумушка велосипед менен бара жатып алдынан чыккан жарандарга түшүндүрүү иштерин жүргүзүүдө. Эми Бишкекте веложол менен жүрүүнүн өзүнчө эрежеси бар.

Унаа сыяктуу эле велосипедчендер жолдун эки тарабына бөлүнүп, оң жана сол тараптагы тротуарлар менен жүрүүгө туура келет. Ал үчүн атайын белгилер да чийилди.

Шаар башчысы бул ыкма велосипед менен жүрүүдө ыңгайлуу шарт түзө тургандыгын түшүндүрүп, жарандарды эрежелерге баш ийип, бири-бирин сыйлоого чакырууда.