Нарындагы “Наристе” бала бакчасынын курулушу уланууда

Курулуш министрлиги тарабынан Нарын шаарына 100 орундуу бала бакча курулууда. Объекттин курулушу республикалык бюджеттин эсебинен каржыланып, наркы 108 миллион сомду түзөрүн мекеменин маалымат кызматы билдирди.

Маалыматка ылайык, жалпы аянты 1027 чарчы метрди түзгөн эки кабаттуу заманбап имарат салынат. Курулуш иштери белгиленген график боюнча жүргүзүлүп, учурда биринчи кабаты тургузулганы маалымдалды.

Бала бакчанын курулушу 2025-жылдын май айында башталып, “Кыргызкурулуш” мамлекеттик ишканасы тарабынан аткарылууда.