Өлкөдө мамлекеттик кызматкерлер улуттук кийим менен жумушка келиши мүмкүн (видео)

Бүгүн, 18-майда министрлер кабинетинин төрагасы Адылбек Касмалиев Маданият министрлигине мамлекеттик кызматкерлер үчүн улуттук элементтер камтылган форманын дизайнын иштеп чыгып, сунуштоо тапшырмасын берди. Келечекте мамлекеттик кызматкерлер улуттук кийим үлгүсүндөгү формаларды кийиши мүмкүн экенин президенттик администрациядан билдиришти.

Маалым болгондой, протоколдук жана эл аралык иш-чараларда белгиленген дресс-код мурдагыдай эле сакталат.

Эскерте кетсек, буга чейин өкмөт башчысы мамлекеттик кызматкерлерге күндүн ысык мезгилинде галстук жана костюмсуз иштөөгө уруксат берген. Бул чечим кызматкерлер үчүн ыңгайлуулукту гана камсыз кылбастан, электр энергиясын үнөмдөөгө багытталганы кошумчаланды.