Президенттин мурдагы жардамчысы шектүү катары кармалды

Улуттук коопсуздук мамлекеттик комитети тарабынан чет өлкөлүк инвесторлорго карата өзгөчө ири өлчөмдө алдамчылык жасоого шектелип кыргыз жарандары К.Ж.А. жана А.К.Т. кармалды.

Айрым маалыматтарга караганда, кармалгандардын бири президенттин мурдагы жардамчысы Жаныбек Кубандыков экени айтылууда.

Учурда Кылмыш-жаза кодексинин 209-беренесинин 4-бөлүгү боюнча козголгон кылмыш ишинин алкагында тергөө амалдары жүргүзүлүп жатат.

Анын алкагында бул кылмышка тиешеси бар бардык адамдарды аныктоо жана ушуга окшош башка фактыларды табуу боюнча иштер уланууда.