Жолдо айдоочуну бычак менен коркуткан башка айдоочу аныкталды (видео)

21-майда Кемин районунун Ак-Бекет айылында эки айдоочунун ортосунда жаңжал чыгып, бири экинчисин бычак менен коркуткан окуя катталды. Интернет желесине окуянын видеосу тарады.

Облустук милициянын маалыматына ылайык, бул факт боюнча 2001-жылы туулган У.А. аттуу жаран арыз менен кайрылды. Анын айтымында, ошол күнү саат 15:00 чамасында Ак-Бекет айылында чыгыштан батышты көздөй бара жатып, күмүш түстөгү Mercedes-Benz S-500 үлгүсүндөгү автоунаанын айдоочусун, 1996-жылы туулган Н.Э., KIA K5 үлгүсүндөгү автоунаа менен ашып өтүп, айдоочуну бычак менен коркутуп, жолун тосуп токтоткон.

Аталган факт каттоого алынып, текшерүү иштери башталды. Жүргүзүлгөн иш-чаралардын жүрүшүндө 1996-жылы туулган Н.Э. аныкталып, кармалды. Ага Укук бузуулар кодексинин 126-беренеси (Майда бейбаштык) менен кылмыш иши козголуп, убактылуу кармоочу жайга киргизилди. KIA K5 үлгүсүндөгү унаа айып короого токтотулду.

Тергөө уланууда.