Иран Ормуз кысыгы аркылуу өткөн кемелерден кызмат акы алууну пландоодо

Иран Ормуз кысыгы аркылуу өткөн кемелер үчүн “навигациялык кызматтарга” төлөм алынарын билдирди. Бул тууралуу өлкөнүн Тышкы иштер министрлиги маалымдагандыгын чет элдик басылмалар жазышты.

Министрликтин өкүлү Эсмаил Багаинин айтымында, төлөмдөр кысыкты колдонгон үчүн эмес, кемелерге көрсөтүлгөн кызматтар үчүн алынат.

“Бул кызматтарга навигацияны уюштуруу жана Ормуз кысыгы, Перс булуңу жана Оман деңизиндеги экологияны коргоо боюнча чаралар кирет. Мунун баары белгилүү бир чыгымдарды талап кылат”, - деди ал.

Ошол эле учурда АКШ жана аймактагы айрым өлкөлөр Ирандын мындай демилгесине каршы экенин билдиришүүдө.