Депутат Кадамжай райондук ооруканасына "Тез жардам" унаасын белекке берди

Жогорку Кеңештин депутаты Бурул Аманова Кадамжай райондук жалпы дарыгердик практика борборуна "Тез жардам" унаасын белекке берди. Бул тууралуу парламенттин басма сөз кызматы билдирди.

Эл өкүлү аймактарда медициналык кызмат көрсөтүүнүн сапатын жакшыртуу жана жарандарга өз убагында медициналык жардам көрсөтүү артыкчылыктуу багыттардын бири экенин айтат.

Иш сапардын жүрүшүндө депутат медициналык мекеменин иши менен да таанышып, дарыгерлер менен баарлашып, алардын сунуш-пикирлерин укту.