АКШ НАТОну учактар жана кемелер менен камсыздоону азайтат

АКШ кризистик кырдаалдарда НАТОго стратегиялык бомбалоочу учактар, кемелер жана танкердик учактар менен камсыздоого кошкон салымын бир кыйла кыскартууну көздөп жатат. Бул тууралуу Der Spiegel басылмасы жазды.

Маалыматка караганда, өткөн аптанын аягында АКШнын Коргоо министрлигинин өкүлү Брюсселдеги НАТОнун штаб-квартирасында альянска мүчө өлкөлөрдүн жогорку кызмат адамдарына бул план боюнча маалымат берген. Тактап айтканда, жабык жыйында АКШнын өкүлү америкалык согуштук учактардын саны үчтөн бирге кыскарарын билдирген. Андан тышкары, АКШ стратегиялык бомбалоочу учактардын учурдагы санынын жарымын гана, азыраак эсминецтерди берүүнү жана суу астында жүрүүчү кемелерди таптакыр бербөөнү көздөп жатат.

Европа ошондой эле өзүнүн чалгындоо дрондоруна көбүрөөк таянууга аргасыз болот, ал эми АКШ сокку уруу варианттарынын жеткирилишин бир кыйла кыскартууну пландап жатат. Басылманын маалыматы боюнча, АКШ июнь айынын башында өтө турган конференцияда берилип жаткан күчтөрдүн курамы боюнча көбүрөөк маалымат берет.