Министр Улуттук госпиталды кадимки бейтап катары кыдырды (видео)

Саламаттык сактоо министри Дамир Осмонов бейтаптарды кабыл алуу иши менен жеринен таанышуу максатында Улуттук госпиталдын консультациялык-диагностикалык бөлүмүнө барды.

Министрликтин маалымат кызматы билдиргендей, Осмонов бейтаптын жолун толугу менен өзү басып өткөн. Ал каттоо бөлүмүнөн электрондук талон алып, ЛОР дарыгеринин кабыл алуусуна кирип, текшерүүдөн өтүп, керектүү анализдерди тапшырган. Талон алуудан баштап текшерүүдөн толук өткөнгө чейин бир саатка жетпеген убакыт кеткен.