Түз эфир... Өлкөнүн жетишкендигине маңдай жарыла сүйүнгөн ТИМдин кызматкерлери

Тышкы иштер министрлигинин кызматкерлери Кыргызстандын БУУнун Коопсуздук кеңешине туруктуу эмес мүчө болуп шайланышына маңдай жарыла кубанышты.

Министрликтин соцтармактагы баракчасына жарыяланган видеодон алардын түз эфир аркылуу шайлоого түндө көз салып турушканын көрүүгө болот. Кыргызстан жеңип чыкканы айтылганда кызматкерлер бири-бирин кучакташа куттукташып, кубанычтарын жашыра алышкан эмес. БУУнун жыйындар залында отурган аткаминерлер да колдорун көккө көтөрө сүйүнүшкөн.

Айта кетсек, өлкө аталган кеңешке мүчөлүк үчүн Филиппин менен ат салышты.