NASA: Aстронавттар Dragon кемесине көчүрүлдү

АКШнын Улуттук аэронавтика жана космостук башкармалыгы NASA Эл аралык космос станциясындагы (МКС) техникалык оңдоо иштерине байланыштуу астронавттарга коопсуздук чараларын күчөтүүнү буйруду. Бул тууралуу чет элдик басылмалар жазышты.

Маалыматка ылайык, станцияда абанын агып кетүүсү (герметизация маселеси) аныкталып, анын айынан экипаж убактылуу коопсуз жайга көчүрүлгөн.

Экипаждын Crew-12 мүчөлөрү жана NASA астронавты Крис Уильямска SpaceX Dragon кемесине өтүү тапшырмасы берилди.

NASA өкүлүнүн айтымында, бул чечим толугу менен алдын ала сактануу чарасы болуп эсептелет жана оңдоо иштери жүрүп жаткан учурда коопсуздукту камсыз кылууга багытталган.

МКСнын ичиндеги системалар көзөмөлдө болуп, абал туруктуу экени айтылууда.