Трамп: “Иранга каршы блокада акыркы келишимге чейин сакталат”

АКШнын президенти Дональд Трамп Иранга карата киргизилген блокада акыркы тынчтык келишими түзүлгөнгө чейин толук күчүндө кала турганын билдирди.

Трамп бул тууралуу Truth Social социалдык тармагындагы баракчасына жазып, бардык сүйлөшүүлөр жана макулдашуулар ыкчам жүрүшү керектигин белгилеген.

“Блокада күчүндө калат жана акыркы келишимге жетишилгенге чейин толук көлөмдө иштей берет. Бардык процесс тез илгерилеши керек”, - деп жазды АКШ лидери.

Учурда Вашингтон менен Тегерандын ортосундагы мамилелер жана мүмкүн болгон келишим боюнча талкуулар эл аралык коомчулуктун көңүл чордонунда калууда.