Иранда АКШнын соккусунан 20 миңдей адам таза суусуз калды 

Ирандын Хормозган провинциясында АКШнын суу сактагычтарга жасаган соккуларынан кийин кеминде 20 миң адам таза суусуз калды. Бул тууралуу провинциянын бийлик өкүлүнө таянып, эл аралык басылмалар жазышты.

Билдирүүгө ылайык, калктуу конуштарга суу берүү токтотулуп, бийлик суу менен камсыздоонун альтернативдүү жолдорун издеп жатат.

"Кухестак шаары жана Бамани районундагы 10 айыл үчүн ичүүчү сууну бөлүштүрүү инфраструктурасы америкалык тараптын чабуулунун натыйжасында талкаланды",- деген бийлик өкүлү.

Бүгүн түнү Ирандын мамлекеттик телерадиокомпаниясы АКШ өлкөнүн түштүгүндөгү Сирик шаарындагы эки суу сактагычка сокку урганын билдирген. Бамани районунда ичүүчү суу берүү токтотулса, Сирик шаарында телекоммуникациялык мунара жабыркаган.

Reuters агенттигинин маалыматына ылайык, АКШ Ирандагы дээрлик 20 объектке сокку урган. Буга жооп катары Ирандын аскер күчтөрү Жакынкы Чыгыштагы АКШнын аскердик базаларына чабуул жасаган.