Нарында күчү 3,1 баллга жеткен жер титирөө катталды

Нарын облусунда күчү 3,1 баллга жеткен жер титирөө катталды. Бул тууралуу Улуттук илимдер академиясынын Сейсмология институту билдирди.

Алдын ала маалыматка ылайык, жер титирөөнүн очогу Кара-Булак айылынан 12 чакырым түндүк-батышта, Баетов айылынан 45 чакырым түштүк-батышта, Нарын шаарынан 86 чакырым түштүк-батышта жайгашкан.

Анын күчү Кара-Булак жана Орто-Сырт айылдарында 2,5 баллды түзгөн.

Ал эми 19-июнда да өлкө аймагында күчү 4 баллга жеткен жер титирөө катталган. Андагы силкинүүнүн очогу Кытайдын аймагында болуп, Нарын шаарынан 185 чакырым алыстыкта жайгашканы маалымдалган.

Учурда жер титирөөдөн жабыркагандар же кыйроолор тууралуу маалымат жок.