Чүйдө нарколаборатория аныкталып, шектүүлөр кармалышты

Чүй облусунун аймагында баңгизаттарды даярдоо жана сатуу менен алектенген туруктуу кылмыштуу топтун ишмердүүлүгүнө бөгөт коюлду. Бул тууралуу УКМК кабарлайт.

Билдирүүгө ылайык, Кылмыш-жаза кодексинин 282-беренесинин 1-бөлүгү (Баңгизат каражаттарын, психотроптук заттарды жана алардын аналогдорун сатуу максатында мыйзамсыз даярдоо) боюнча козголгон кылмыш иштеринин алкагында Н.А.Д., А.Ч.Х. жана Д.А.В. аттуу жарандар кармалышты.

Жүргүзүлгөн иш-чаралардын натыйжасында "Спайс" жана "A-PVP" аттуу синтетикалык баңгизаттар алынды.

Учурда нарколабораторияны уюштурууга жана анын ишмердүүлүгүнө тиешеси бар башка адамдарды аныктоо боюнча ыкчам-издөө иш-чаралары улантылууда.