Кытайда көп кабаттуу үйлөрдүн чатырларына суу чачуучу систем орнотулууда (видео)

Кытайда заманбап турак жай комплекстеринин чатырларына суу чачуучу атайын системдер орнотулуп жатат. Бул технология ысык аба ырайында айлана-чөйрөнүн температурасын төмөндөтүп, жашоочулар үчүн ыңгайлуу шарт түзүүгө багытталганын чет элдик басылмалар жазышууда.

Маалыматка ылайык, майда суу тамчылары абага тез бууланып, аймактагы температураны 3-6 градуска чейин төмөндөтөт. Ошондой эле чаңды басып, абаны тазалоого жардам берет.

"Мындай систем шаар ичинде өзгөчө микроклимат түзүп, тургундардын эң ысык күндөрү да сыртта өзүн жайлуу сезүүсүнө мүмкүнчүлүк берет",- деп белгиленген маалыматта.