АКШ менен Иран сүйлөшүүлөрдү улантат

АКШ менен Иран ортосундагы мамилелерде жаңы дипломатиялык этап башталды.

Чет элдик басылмалар жазгандай, эки өлкө ортосунда меморандум боюнча жогорку деңгээлдеги консультациялар өтөт. Бул сүйлөшүүлөргө катар техникалык эксперттер да катышат.

Маалыматка ылайык, меморандумдун негизги максаты - мурда күчөгөн чыңалууну азайтуу жана деңиз коопсуздугун калыбына келтирүү. Документте өзгөчө Ормуз кысыгы аркылуу кеме каттамдарын нормалдаштыруу маселеси каралган.

АКШ тарап сүйлөшүүлөрдү “маанилүү кадам” катары баалап, тараптардын ортосундагы түшүнүшүүнү кеңейтүүгө үмүт артып жатат.

Адистердин пикиринде, бул консультациялар региондогу геосаясий кырдаалга түздөн-түз таасир этүүсү мүмкүн.