Япониянын футболчулары Дүйнө чемпиондугунан четтегенден кийин күйөрмандарына таазим кылышты (видео)

Япониянын улуттук курама командасынын футболчулары Дүйнө чемпиондугунан четтегенден кийин күйөрмандарына болгон ыраазычылыгын өзгөчө жол менен билдиришти.

1/16 финалда Бразилияга 1:2 эсебинде утулгандан кийин япон футболчулары трибунага барып, аларды колдоп келген күйөрмандарына таазим кылышты. Бул көрүнүш социалдык тармактарда кеңири тарап, көпчүлүктүн суктануусун жаратты.

Беттештин 29-мүнөтүндө Кайсю Сано эсепти ачып, Японияны алдыга чыгарган. Бирок экинчи таймда Бразилия оюнду өз пайдасына өзгөртө алды. 56-мүнөттө Каземиро эсепти теңесе, кошумча убакыттын 90+6-мүнөтүндө Габриэл Мартинелли жеңиш голун киргизди.

Бул жеңиш менен Бразилия Дүйнө чемпиондугунун кийинки баскычына жолдомо алып, 1/8 финалда Кот-д'Ивуар менен Норвегиянын беттешинин жеңүүчүсү менен ойнойт. Ал эми Япония турнирдеги оюндарын жыйынтыктады.