Трамп: "АКШ НАТОго эң көп каражат жумшайт, бирок андан эч кандай пайда көрбөйт"

АКШнын президенти Дональд Трамп АКШ НАТОго башкаларга караганда көп каражат жумшай турганын, бирок мындан эч кандай пайда көрбөй жатканын билдирди. Бул тууралуу ал социалдык тармактагы баракчасына жазды.

Анын айтымында, 2014–2025-жылдар аралыгында АКШ НАТОго 999 миллиард доллар сарптаган. Ошол эле мезгилде Улуу Британия 90,5 миллиард доллар, Франция 66,5 миллиард доллар, ал эми Италия 48,8 миллиард доллар жумшаган. Трамп Германиянын жана башка союздаш өлкөлөрдүн чыгымдары мындан кыйла аз экенин да белгиледи.

Буга чейин ал Европа өлкөлөрү Иранга каршы согушта АКШны колдобогондуктан аларга нааразы экенин билдирген. Дональд Трамп президенттик кызматка киришкенден бери НАТОго мүчө мамлекеттерди коргонууга кеткен чыгымдарын көбөйтүүгө чакырып келет.