Ормуз кысыгы аркылуу өткөн кемелердин саны көбөйдү

Акыркы жумада Ормуз кысыгынан өткөн кемелердин саны төрт эсеге көбөйдү. Бул тууралуу Financial Times басылмасы жазды.

«Ормуз кысыгы аркылуу өткөн кемелердин транзитинин саны акыркы жумада төрт эседен ашык көбөйдү», — деп айтылат билдирүүдө.

Анда транзиттин активдүүлүгүнүн өсүшү кеме ээлери кысык аркылуу коопсуз өтүүгө ишеним артып жатканы менен түшүндүрүлгөн. Ошол эле учурда көрсөткүчтөр Ирандагы жаңжал башталганга чейинки деңгээлден дагы эле кыйла төмөн бойдон калууда.

17-июнда АКШ менен Иран аралыктан өз ара түшүнүшүү тууралуу 14 пункттан турган меморандумга кол коюшкан.

Меморандумга ылайык, ага кол коюлгандан кийин Иран 60 күндүн ичинде Ормуз кысыгы аркылуу коопсуз жана акысыз өтүүнү камсыз кылуу боюнча чараларды көрүшү керек болчу. Бул мөөнөт ичинде тараптар сүйлөшүүлөрдү улантат.