Уэльсте токой өртүнөн улам айыл тургундары эвакуацияланышты

Бүгүн, 13-июлда Түндүк Уэльстеги бир нече айылдын тургундары токойдогу ири өрттөн улам эвакуацияланышканы тууралуу чет элдик басылмалар билдиришти.

Маалыматка ылайык, өрт 12-июлда Конви аймагына жакын тоолуу жерде чыккан. Өрт өчүрүүчүлөр тилсиз жоону ооздуктоого аракет кылып жатышканы менен, өрт каптаган аянттын чоңдугу жана ысык аба ырайы ишти кыйындаштырууда.

Аймактын өрт жана куткаруу кызматы өрттү толук өчүрүүгө убакыт талап кылынарын билдирди. Учурда Улуу Британиянын көпчүлүк аймагында абанын температурасы жогору бойдон калууда. Ошол себептен өлкөдө жаңы токой өрттөрүнүн чыгуу коркунучу өтө жогору деп бааланууда.