Түркия Венесуэлага 30 тонна гуманитардык жардам тапшырды

Түркия жер титирөөдөн жабыркаган Венесуэлага 30 тонна гуманитардык жардам жөнөттү. Бул тууралуу түркиялык басылмалар жазышты.

Жардам Түркиянын Аскер-аба күчтөрүнө таандык эки аскердик-транспорттук учак менен жеткирилген. Анда 275 даана чатыр, дары-дармек, медициналык каражаттар жана убактылуу чатыр шаарчаларын курууга керектүү жабдуулар болгон.

Гуманитардык жүктү Каракас шаарынан Түркиянын Венесуэладагы элчиси Наджи Айдан Караманоглу менен Венесуэланын тышкы иштер министри Иван Хиль тосуп алышкан.

Эске салсак, 24-июнда Венесуэлада күчү 7,2 жана 7,5 баллга жеткен эки ири жер титирөө катталган. Анын кесепетинен бир катар турак жайлар курап, каза болгон жарандардын сөөктөрү азыркыга чейин изделүүдө.