АКШ Иранга каршы кошумча санкцияларды киргизди

АКШ Иранга каршы кошумча санкцияларды киргизди. АКШнын Каржы министрлиги билдиргендей, санкциялардын тизмесине 24 компания, 20 кеме жана 10 жеке адам киргизилди.

Чектөөгө алынган компаниялардын көбү деңиз аркылуу жүк ташуу тармагында иш алып барышат. Санкция салынган кемелердин арасында контейнер ташуучу кемелер жана химиялык заттарды ташыган танкерлер бар.

Мекеме жаңы санкциялар мыйзамсыз жүк ташуу тармагын бузууга жана ирандык ишкер Мохаммад Хоссейн Шамхани уюштурган санкцияларды айланып өтүү схемаларына бөгөт коюуга багытталганын белгилеген.

Маалыматка караганда, буга байланыштуу АКШ буга чейин 200дөн ашуун жеке адамга, уюмга жана кемеге санкция салган. Жаңыланган тизмеде Ирандын, Орусиянын, Даниянын, Италиянын, Индиянын жана Улуу Британиянын жарандары бар.