АКШ Иранды көздөй бара жаткан танкерге сокку урду

Бүгүн, 16-июлда АКШнын Куралдуу күчтөрү Перс булуңунда Ирандын Харг аралын көздөй багыт алган бош мунай танкерине сокку урду. Бул тууралуу АКШнын Борбордук командачылыгы (CENTCOM) билдирди.

Маалыматка ылайык, Кюрасаонун желеги алдында сүзүп бараткан танкер америкалык тараптын эскертүүлөрүнө баш ийген эмес. Андан соң АКШнын аскердик учагы танкердин түтүк бөлүгүнө Hellfire ракеталарын атып, кемени кыймылсыз абалга келтирген.

CENTCOM билдиргендей, АКШ 14-июлдан тартып Ирандын портторуна бара жаткан же андан чыккан кемелерге карата деңиз блокадасын кайра жандандырган. Блокада күчүнө кирген алгачкы суткада эки коммерциялык кеме багытын өзгөртүүгө аргасыз болуп, бирине күч колдонулган.