MEGA эскертет: Сак болуңуз – алдамчылар барган сайын жаңы амалдарды ойлоп таап жатышат

MEGA улуттук уюлдук байланыш оператору абоненттерин сак болууга жана жеке маалыматтарга жана каражаттарга жетүү үчүн ар кандай алдамчылык ыкмаларды колдонгон алдамчылардын айла-амалдарына алданбоого чакырат.

Алдамчылар мобилдик операторлордун, банктардын, мамлекеттик органдардын же укук коргоо органдарынын кызматкерлери катары көрүнүшү мүмкүн. Алар сизге чалып, SMS жөнөтүп же мессенджерлер аркылуу билдирүү жөнөтүп, ырастоо коддорун, жашыруун сөздөрдү, банк картасынын маалыматтарын берүүгө же бөтөн колдонмолорду орнотууга көндүрүшү мүмкүн.

Эскерте кетсек, MEGA кызматкерлери эч качан телефон же SMS аркылуу төмөнкүлөрдү сурашпайт:

• SMS ырастоо коддору;
• жеке аккаунттар үчүн жашыруун сөздөр;
• банк карталары үчүн PIN жана CVV коддору;
• мобилдик колдонмолор үчүн кирүү маалыматы.

Эгерде сиз шектүү чалуу же билдирүү алсаңыз:

• жеке маалыматты же ырастоо коддорун бербеңиз;
• белгисиз шилтемелерди баспаңыз;
• Бейтааныш адамдардын өтүнүчү боюнча колдонмолорду орнотпоңуз;
• Чалууну токтотуп, зарыл болсо, *500 номерине чалып же компаниянын расмий байланыш каналдары аркылуу MEGA колдоо кызматына кайрылыңыз.

MEGA алдамчылыкка каршы күрөшүү үчүн бир катар техникалык жана уюштуруу чараларын үзгүлтүксүз ишке ашырып, мониторинг системаларын өркүндөтүп, шектүү аракеттерди аныктап жана бөгөттөп, ошондой эле учурдагы мыйзамдардын алкагында мамлекеттик жана укук коргоо органдары менен кызматташат.

Мындан тышкары, компания абоненттерге кеңири таралган алдамчылык схемалары жөнүндө SMS билдирүүлөр, расмий ресурстардагы жарыялар жана социалдык тармактар аркылуу үзгүлтүксүз маалымат берип турат.

Жеке маалыматтарыңызды коргоп, ар дайым сак болуңуз. Жөнөкөй коопсуздук чараларын сактоо каражаттарыңызды коргоого жана алдамчылардын аракеттеринен сактанууга жардам берет.

КР МБА лицензиялары: №14-1133-КР, №18-0326-КР, №18-0303-КР, №15-1446-КР, №16-0090-КР, №18-0261-КР