Ит мурдунун алдындагы чаарчыкты көрбөй койду

АКШнын Огайо штатында жашаган аял ити Эммиттин кызыктуу учурун видеого тартып, интернетке жарыялады.

Кадрларда ит жалбырактардын арасында жашынган кичинекей чаарчыкты издеп жатканын көрүүгө болот. Бирок чаарчык Эммиттин буттарынын түбүндө эле турганына карабай, ит аны байкабай калган.

Видео социалдык тармактарда көптөгөн пикирлерди жаратты. Колдонуучулар иттин байкагычтыгына тамашалап комментарий жазып, айрымдары Эммиттин көзүнө түшүп турган жүнүн кыскартууну сунушташкан.