Түтүнгө ууланган көгүчкөндү өрт өчүрүүчүлөр сактап калышты (видео)

АКШнын Калифорния штатындагы Окленд шаарында өрт өчүрүүчүлөр күйүп жаткан унааны өчүрүп жатып, түтүнгө ууланып калган көгүчкөнгө жардам беришти. Бул тууралуу чет элдик басылмалар кабарлашты.

Куткаруучулар канаттууга жаныбарлар үчүн колдонулуучу атайын кычкылтек маскасын кийгизишкен, бир нече мүнөттөн кийин көгүчкөн өзүнө келип, кайра учуп кеткен. Бул көз ирмем видеого тартылып, социалдык тармактарда 27 миллиондон ашуун жолу көрүлүп, көпчүлүктүн суктануусуна ээ болгон.