Манчестердин мурдагы мэри Энди Бернем Улуу Британиянын жаңы премьер-министри болду

Манчестердин мурдагы мэри Энди Бернем Улуу Британиянын премьер-министри болуп расмий дайындалды. Бул тууралуу Букингем сарайы билдирди.

Падыша Карл III Бернемди кабыл алып, ага жаңы өкмөттү түзүү милдетин тапшырды. 56 жаштагы Бернем мурда парламенттин депутаты жана Министрлер кабинетинин мүчөсү болгон. Акыркы жылдары Манчестердин мэри болуп иштеп келген.
Быйыл Лейбористтер партиясы жергиликтүү шайлоодо утулуп, мурдагы премьер-министр Кир Стармер кызматтан кеткенден кийин Бернем партиянын жаңы лидери болуп шайланган. Июнь айында парламенттик шайлоодо жеңишке жетип, премьер-министрликке жол ачылган.Бернем жаңы өкмөттө партиянын бардык канаттарынын өкүлдөрү иштей турганын айтты. Анын айтымында, өкмөттүн негизги максаты – аймактарга көбүрөөк ыйгарым укук берүү жана өлкөнү башкарууну борбордон ажыратуу. Ошондой эле жаңы өкмөт Украинага колдоо көрсөтүү боюнча мурдагы саясатты улантары күтүлүүдө.